喺啱啱舉行完畢嘅Tokyo Designers Week 2014會場入口，就企住呢個叫做Asuna嘅機械人嚟迎賓，每當有參觀者行入嚟，工作人員就會遙控佢做表情畀反應同播歡迎聲帶。

Asuna係由日本研究所A-Lab開發，除咗身體嘅關節識郁，就連頭部都有成13個活動組件，令到佢做到唔同表情同動作。不過，無論睇真女定女機械人，最重要都係睇相頭。開發Asuna班科學家話，佢嘅設定係一個15歲少女，個樣都真係根據15歲少女嚟整，論像真度就幾似喇，質素真係唔比日本至強嘅正宗「人造乙女」差，只係睇落年紀好似唔只15歲啫。

其實早排A-Lab已發表過Asuna，但畀公眾見佢實物，今次都係第一次，而且換埋新衫添。暫時A-Lab未有預算Asuna有咩實際用途，但話晒人哋未夠秤喎，你唔會諗衰嘢呀話？？？