【影音新聞】音樂串流平台Spotify 免費版可跳走廣告 你撐唔撐？

羊毛一向出自羊身上，想唔駛錢聽歌。就要捱睇廣告，這是常識吧！？不過近日，音樂串流平台Spotify測試緊一個新功能可讓免費版本的客戶飛走無興趣的廣告，自主選擇你想睇的廣告(唔係真係無廣告！) Spotify從中希望達到雙贏，加強廣告的效益。

現行免費用戶，必須要收聽廣告，spotify可以任何時間播放廣告，用戶係無得選擇，唔可以隨意跳過。不過咁影響用戶體驗的方式spotify打算進行大改革，現試推出一款叫「Active Media」的新功能，用戶可以跳過自己無興趣的廣告，廣告主也不需要為跳過的廣告比錢，不過咁當然不代表免費版用戶完全不需要聽廣告，只是可以選擇自己想聽的廣告內容，同樣必須等廣告結束後，才能接續播放音樂。

對Spotify來講，廣告其實咪真係重要？我地睇睇數據,根據Spotify最新一季財務報告，目前全球擁有每月1.8億活躍用戶，比去年同期增長30%，其中有7,500 萬付費訂閱用戶、1.01億免費用戶，廣告營收為1.58億美元，增長20%。照咁睇，其實廣告都係Spotify主要營運收入來源。咁今次搞個可跳廣告玩法到底係咩野葫蘆賣咩野藥？

Spotify係想用較聰明做法，讓用戶可花間係自己想聽的廣告，Spotify的也能因此得到更優質的資料和數據去迎合唔同客戶。Spotify全球策略夥伴Danielle Lee就表示，這樣的做法有助於提升廣告品質，讓廣告內容也可客製化，「就像是我們在每周新發現（Discover Weekly）功能上所做的一樣。」。這項新功能今年七月率先於澳洲測試，慢慢將可望擴到其他地區

Spotify預計，透過調整廣告投放策略，有可能增加20%以上的廣告營收，不過目前僅在市場規模相對細的澳洲進行測試，係咪真能如Spotify 所預期仍有待觀察，如果這套行得通，未來會逐步推行到全球市場。而對其他公司而言都可能是一個啟示。