近日，荷蘭科技媒體LetsGoDigital披露Sony PlayStation 5 已申請一種全新的盒帶式的專利，引發Sony機迷無限遐想, 好多人都認為playstation唔太可能使用過去嘅插帶式遊戲設計。專利係今年6月份提交剛剛正式被收錄， 故此，好多外媒都大膽預測應該係流動ssd外置遊戲儲存裝置。

話說網民發現曾經引發巨大關注ps5 外型設計專利公司剛剛申請咗一種新嘅遊戲卡帶專利設計，呢個專利係一個ssd嘅硬件儲存盒帶, 暫時作用不明 。呢個專利盒帶的設計師Yujin Morisawa是Sony Interactive Entertainment的高級藝術總監，負責與PlayStation品牌相關的所有產品。

好多人第一眼就會諗sony PlayStation 5遊戲主機會唔會回歸經典重用遊戲盒帶嘅設計 ,不過更多人認為呢個係外接既ssd遊戲儲存裝置, 目的係讓playstation唔擁有額外嘅儲存空間。讓PS5的主機出售時可以有更低的售價，用家自行按需要增加儲存容量。

老實講個人當然期待playstation唔帶來復古嘅卡帶式遊戲設計，遊戲盒帶喺電玩遊戲界有無可取替嘅魔力， 喺呢四十年嘅遊戲歷史當中Atari，Sega和Nintendo等舊式遊戲主機都曾使用。以任天堂的Switch為例，各種遊戲卡帶依然非常暢銷，證明換帶的遊戲方式擁有頑強的生命力。

但同樣係遊戲界嘅歷史sony playstation時代就已經選擇咗CD-rom作為遊戲載體, 早前sony娛樂部門亦都確認咗下一代playstation遊戲機將會配置藍光驅動器, 支援100GB光盤, 喺早前披露嘅playstation外觀設計當中亦清楚可見到有藍光光盤, 所以按照推論回歸到遊戲盒帶式設計似乎可能性不大。

所以最合理嘅推斷就係 Playstation 5擁有可擴展式嘅ssd儲存硬件裝置 。所有謎底將會係2020年底一一揭盅。