去年曾經介紹過，日本為左東京奧運由豐田研發出一部投籃機械人Cue，當時嘅Cue叫作Cue 3，只能夠定點投籃，而投籃動作亦都相對笨拙及援慢。不過相隔一年，豐田推出進化型號投籃機械人Cue 4，並派佢出戰日本B聯賽全明星三分賽。

與其他參加三分賽球員一樣，Cue 4同樣要從五個位置投射三分球，並且每個位置投五球。而如今嘅Cue 4已經進化到可以自行拎起籃球並自動調整投籃動作，同時出手嘅速度亦大幅提升。更重要嘅係，Cue 4比起Cue 3增加左移動能力，憑住腳下嘅滾輪可自行移動到下一個投籃點。

當然，今次Cue 4仍然有唔少地方可以改進，例如其中一球出手前球放唔岩位置，因此出現投籃失誤情況，同時投籃嘅命中率亦都不高。

不過，以科技日行千里嘅情況下，未來嘅投籃機械人可能真係可以做到命中率100％，同時移動速度增加，超越人類界限。