新冠肺炎自從去年年底爆發，至今全球肆虐，令全球經濟大幅下滑，失業率增加，不少公司收入亦都大跌，因此你唔比人炒或者減你人工你都真係偷笑.....不過，作為全球最大公司之一嘅Facebook日前就宣佈，逆市向45000名員工派發6個月Bonus，額外再加多1000美元獎金助旗下員工應付新冠肺炎。

今次Facebook向員派發巨額獎金，表明係希望在武漢肺炎爆發嘅時期可以幫到員工，另外公司亦要求1000名內容主持人Work from home，但同時會繼續向佢地支付人工。

除左幫助自己公司員工外，Facebook創辦人朱克伯格亦宣佈公司會投資1億美元，以幫助30多個國家嘅小型企業。此前朱克伯格聽取小型企業嘅聲音，知道穩定嘅財務支持先可以助佢地保持運作。

所以話Facebook呢類型嘅科網公司真係唔少人嘅Dream Job，唔知佢地呢排會唔會請人呢?