武漢肺炎於全球仍然肆虐，雖然香港近日嘅確診數目有緩和跡象，但大家絕對唔可以掉以輕心，否則將令一眾醫護人員及市民嘅努力化為烏有。

而作為世界科技龍頭，Apple及Google較早前已宣佈將會合作於今年5月推出一套藍牙技術應用方案，以達致公共衛生機構嘅app在iOS及Android上互通操作。另外，Apple方面亦宣佈最新推出由「Apple 地圖」驅動嘅人員流動資料趨勢工具，以支援全球各地對抗武漢肺炎蔓延。

Apple今次利用「Apple 地圖」驅動嘅資料工具，可以為地方政府及衛生部門提供較實用嘅見解，其中包括顯示該社群駕駛、步行或乘坐公共交通工具嘅人數變化。想進一步了解可瀏覽 apple.com/covid19/mobility。

以上提到嘅人員流動資料網站目前可以顯示63個國家或地區各大城市嘅人員流動趨勢(小編試過暫時未有中國地區數字)。網站內所有資訊都係透過計算「Apple 地圖」收到嘅路線導航要求而加以產生的，Apple會對以上資料進行比較及統計，從而得出數據。