雖然武漢肺炎打擊全球經濟活動，但作為創新科技嘅帶頭者之一，電動車公司Tesla並未有停止前進嘅腳步，近日宣佈成功研發全新電動車電池，並已經註冊專利。

Tesla今次呢項電池專利，係透過調整電池中嘅化學成份，從而改善充電電池系統，例如使用多種電解質添加劑以延長鋰離子電池嘅使用壽命(原理：當電解質添加劑，如鋰鹽等，與非水溶性劑結合時，就能提高電池系統壽命及性能)，Tesla估計該電池嘅壽命將可延長至160萬公里。

另外，Tesla亦指出為左開發喺不顯著增加成本嘅情況下，進一步推動電動車應用，應該主力研發可以於高溫、高電池電壓下提供更長續航力。亦即係話，喺唔增加成本下，Tesla嘅電動車將更耐用，用家需要為電動車換電嘅時間將延長，大幅減低用家嘅支出。