近日本港最大嘅新聞，相信就係通訊軟件大遷徙，全球Whatsapp用家已經不再信任呢個軟件，深信佢哋將自己嘅訊息傳給母公司Facebook，因此決定轉用Signal或Telegram。對於Telegram相信大家都唔陌生，呢個通訊軟件過去在兩年在香港使用率大增，但你又知唔知佢嘅創辦人係咩人?

作為科網巨頭，相信大家都對Facebook老闆朱克伯格好認識，36歲嘅佢資產已經超過1000億美元。而同樣36歲嘅杜羅夫Pavel Durov，你可能對呢個名無乜印象，但相信不久將來你都會認識佢，佢就係Telegram嘅創辦人，一名嚟自俄羅斯嘅戰鬥民族。

在 Instagram 查看這則貼文

Pavel Durov（@durov）分享的貼文

2004年21歲嘅朱克伯格正式開徽啟Facebook傳奇，而當時正在讀大學嘅杜羅夫同樣擁有天才級別嘅程式及駭客技術，佢視朱克伯格為偶像，最終2006年大學畢業後成功創立同Facebook接近一樣嘅俄羅斯社群網站VKontakte。而VKontakte於俄國入面係非常成功的，並亦令杜羅夫擁有一切。

在 Instagram 查看這則貼文

Pavel Durov（@durov）分享的貼文

不過好景不常，杜羅夫被俄國政府盯上，因為VKontakte上面有太多反政府訊息，因此普京明顯要出手打壓言論自由。最終，俄政府動用一切去將VKontakte國有化，而杜羅夫被迫出售自己所有股份，並秘密離開俄國。

在 Instagram 查看這則貼文

Pavel Durov（@durov）分享的貼文

離開俄國後，杜羅夫同佢嘅團隊東山再起，憑住賣掉VKontakte嘅錢開發出加密通訊軟件Telegram，隨後其用戶數量可以用爆發性嚟形容，甚至喺Facebook收購whatsapp後就更加誇張，如今已經成為全球最受歡迎嘅通訊軟件之一。

在 Instagram 查看這則貼文

Pavel Durov（@durov）分享的貼文

而杜羅夫本人，自從離開俄國之後，就同佢嘅團隊每逢一段時間就去第二個地方居住，成為一班技術極尖嘅流放者，並一直做住改變世界嘅事。

在 Instagram 查看這則貼文

Pavel Durov（@durov）分享的貼文

而同Facebook老闆朱克伯格唔同嘅係，杜羅夫真係靚仔得多！！