近年生物科技發展一日千里，令好多科幻電影先見到嘅技術實現，從機械心臟到大腦控制義肢，再到3D列印人體器官，為人類提供更多治療疾病新方法。最近以色列初創公司 CorNeat 利用自家研發人工角膜「Kpro」進行移植手術，成功為一位失明長達10年嘅78歲老人恢復視力，為一眾患者帶嚟新曙光。

（圖片截至：Youtube）

過往眼角膜病患者只能排隊輪侯志願者捐贈，可惜眼角膜往往供不應求，隨人工角膜出現，或能解決視角膜短缺問題。雖然過往都有人工角膜，但因技術尚未成熟及手術過程複雜所以未被普及使用。唔同嘅係，「Kpro」由不可降解人造納米纖維物料製成，係全球首款能夠不借助器官捐贈者組織，就可以直接替換變形或受損角膜，而且手術過程非常簡單。

從示範影片可以睇到，相比起傳統人工角膜移植，「KPro」 手術更簡單，人工角膜可以被完全植入眼壁，而且彷生材料更能夠加速組織融合，大幅減少癒合時間及後遺症。