iPhone好用相信有用開嘅人都一定明白，但佢本身仍然有唔少問題有待改善，其中必定包括跟機送嘅Lightning叉電線容易折斷問題。等咗Apple解決呢個問題好耐，佢哋近日終於有意改善啦。

據消息指，Apple近日正就改善Lightning叉電線申請專利，明顯係要加強其耐用性。在專利申請中，發現Apple正透過不同嘅材質加強叉電線耐用度，當中最小嘅彎曲半徑可能係叉電線直徑嘅8-12倍。

另外，叉電線最容易爛嘅其中一個位置 - 叉電頭，將會覆蓋更高強度嘅材質，而隨住時間過去材質會慢慢變薄，實現更柔軟嘅效果，咁樣以後尾部就唔會再咁容易屈斷...唔使包電線膠布...亦都唔使再隔幾個月就要再買過條新啦。