電動車已成未來大勢所趨，近年愈嚟愈多傳統汽車品牌加入電動車行列，喺早幾個禮拜先講完保時捷打算未來十年內全面電動化。近日Jaguar Land Rover集團宣布，Jaguar將於2025年起停止開發燃油車，以推行全面電動化，並計劃5年內將推出6部純電動車；而Land Rover亦會喺2024年推出首部純電動車。

近日英國最大汽車製造商Jaguar Land Rover CEO Thierry Bollore表示，Juguar將轉型進軍電動車界，並係電動化同時保持豪華燃油車嘅駕駛體驗，希望能夠喺2039年實現碳中和目標。從今起將逐步取替現時燃油引擎設計，並預計往後每年會投放約25億英磅（約267億港幣）開發電動車相關技術，同時亦會投資開發氫燃料電池。

Jaguar I-Pace係傳統車廠當中相對較早發表嘅電動車。（圖片來源：Jaguar）

去年英國首相Boris Johnson推動「綠色工業革命（green industrial revolution）」計劃，打算喺當地2030年起停售燃油汽車，以減少溫室氣體排放，驅使唔少傳統車廠紛紛投入電動車開發，今次Jaguar宣布轉型，或者會帶動更多車廠陸續加入電動車行列。