眾所周知，Elon Musk一心想殖民火星帶領人成為跨行星物種（Multiplanetary Species），近年積極研發重型運載火箭「Starship（星艦）」，並預計最快2026年之前送人上火星。不甘落後嘅中國近年喺航太領域亦取得多項突破，先後發射「祝融號」火星車以及「天宮太空站」核心艙「天和號」，但身為一流強國又僅止於此呢？近日中國運載火箭技術研究院長王小軍公布未來火星發展藍圖，表示最快2033年將太空人送上火星，並於後續多個時間點2035年、2037年、2041年發射多項任務，以建立火星基地採集資源。唔知今次火星競賽，邊個可以成為第一個送人類上火星嘅國家呢？

中國「祝融號」火星車。（圖片截自：新華網）

綜合中國媒體報導，近日中國運載火箭技術研究院長王小軍喺「全球航天探索大會（GLEX 2021）」公布未來火星探索及發展藍圖，計畫主要可以分為3大階段，第一階段為發射探測器尋找火星上適合興建基地嘅地點；第二階段為載人登陸火星及興建火星基地；第三階段就係大規劃開發火星，採集當地資源。預計任務會喺2033年、2035年、2037年以及2041年多個時間點分別發射。

除此之外，王小軍亦表示中國目前研究緊一種名為「天梯（Sky Ladder）」嘅運輸系統，雖然佢就冇進一步說明具體細節，但《新華社》就整咗條動畫展示咩叫「天梯」，從片中可以見到，地面資源同載具好似搭????咁透過鋼纜直接送到位於大氣層以外嘅太空站，再進一步飛往月球或其他星體，藉此節省大量資源。

SpaceX重型運載火箭「Starship」。

另一邊廂，Elon Musk旗下嘅SpaceX重型運載火箭「Starship（星艦）」就已經完全高空飛行及著陸測試，嚟緊將會進行首次軌道飛行測試。唔知最終邊個會成為第一個送人上火星嘅國家呢？

資料來源：globaltimes、insider