相信大家都睇過唔少災難電影講述小行星撞擊地球，全人類遭受滅頂之災。雖然真實發生嘅機率唔大，但為免電影情節成真，NASA將於下個月展開一項名為DART嘅任務，發射飛行器撞擊一顆小行星，測試能否改變其軌道。

（圖片截自：ESA）

據CNN報導，今次任務目標係一顆距離數百萬英里，直徑約525英尺（160米）嘅小行星「Dimorphos」。NASA將於當地時間11月23日透過SpaceX嘅Falcon 9火箭發射飛行器，並預計2022年9月左右飛行器會到達且撞擊該小行星。雖然科學家估計撞擊只會令Dimorphos速度降低約1%，但呢小小嘅1%已經足以改變其原本運行軌道。

（圖片截自：DART）

順帶一提，早前NASA就做過一次小行星撞地球演習，結果顯示以人類目前科技，除非有阿寶出現，否則完全無法阻止小行星撞擊地球。希望NASA今次測試能夠取得重大進展，為未來有機會遇到嘅小行星威脅做足準備。

或者等到小行星撞地球嗰日，阿寶已經出現了！