今年Samsung推出嘅兩款摺機Galaxy Z Fold 3及Z Flip 3，機身比上代更輕薄、效能更勁、而且價格變得更親民，成功吸引大量用家入手，喺香港甚至搵嚟人氣男團Mirror代言。日前Samsung就表示，今年摺機嘅銷量比上年激增4倍...

據Samsung新聞稿所講，Galaxy Z Fold 3及Z Flip 3第一個月嘅銷量，已經超過上年摺機嘅總銷量，目前更加係超出高達4倍，比分析師預期嘅3倍更加犀利。對於今次驕人嘅成績，Samsung就認為係歸功於摺機嘅大螢幕方便睇片多工處理，以及時尚、便攜、創新嘅獨特設計。雖然官方冇講實際賣出咗幾多部，但參考調查機構Counterpoint Research資料，2021年所有廠商嘅摺機銷量達900萬部，預計三星就佔咗其中嘅88%。

除此之外，近年小米、華為、OPPO等中國廠商亦大推摺機，連Apple都有傳聞指會喺2023年推出，或者摺機已成未來大勢，唔知大家想唔想用摺機呢？