近期我哋提到AI嘅新聞都無咩好嘢，唔係話佢助長青少年不當行為，就係話佢嚴重影響網站流量。不過其實AI對人類黎講依然係有好處嘅，例如大家記唔記得生成式AI開始出現時，好多人拎黎整AI美女寫真？經過一段時間發展後，依家同類寫真已經去到肉眼分唔出真假嘅程度。唔信你去睇下呢位日本神人「KINACO」嘅作品！

自稱為一位「AI攝影師」嘅「KINACO」，早於2023年3月起就已經用Stable Diffusion等生成式AI黎整AI美女寫真。睇返佢嘅早期作品，雖然已經算係頗為像真，但依然能夠從人物身型比例、不太自然嘅光線、以及嗰種早期AI獨有嘅圖片質感中睇得出係AI生成。但經過兩年半黎嘅努力鑽研，「KINACO」作品嘅像真度肉眼可見地大幅提升，尤其一系列以沙灘上嘅妙齡女性、又或表演台上嘅偶像為主題嘅作品。除咗個別背景特別複雜或會出現文字嘅作品之外，其他嘅就算你明知佢係AI生成，但你都依然睇唔出有咩破綻。

「KINACO」早期AI作品

除咗X之外，「KINACO」仲整咗個網站黎放佢整嘅AI美女寫真集，完全免費觀看。另外仲亦咗個YouTube頻道，上傳佢生成嘅AI美女影片——不過影片嘅AI感就相對之下明顯好多。如果你仲想「深入」了解下佢整嘅AI美女寫真，佢仲有喺著名成人銷售平台Fanza上傳作品。具體內容及尺度就等大家自己去發掘啦！

資料來源：AiGirlsPhoto on X