肛交
好多人覺得肛交又唔會掂到陰道，咁就唔驚懷孕啦，但係肛門同陰道距離好近，有啲咩都會好容易走入陰道。

用牙咬開Condom包裝
手指出出入入之後少不免會濕濕滑滑好難拆Condom，有人可能會用牙咬開Condom包裝，但咁做有機會會唔小心咬穿Condom，你知穿咗就……

用過期Condom
N年冇拍拖就有啲萬年Condom一直放喺度，等一萬零一年時先有機會用，但呢個時候記得檢查Condom過期未，因為過期Condom可能會有破裂，或者肉眼睇唔到嘅裂縫。

用油性潤滑劑
Condom嘅說明書一定會寫「不可與油性潤滑劑共用」，因為油性潤滑劑會令Condom變得脆弱，容易破裂。

隔住底褲磨下體
唔好以為冇直接接觸下體就冇事，因為男性興奮時就算冇射精，都會流出前列腺液，當中可能含有少量精子，一個唔好彩，都係會有機會令人懷孕。

喺浴缸入面愛撫
有愛撫即係會興奮啦？會興奮即係又會流出前列腺液？所以即使冇插入，同一缸水浸埋一齊，一樣有機會畀精子進入女生體內。

啪啪啪完繼續愛撫
啪啪啪完你手上可能仲有殘留嘅精液，如果呢個時候又同陰道接觸，而又一個唔好彩，就有可能出事。

計安全期
計安全期好似好準咁，但其實月經只要稍微唔規律，咁就大件事，就算對方之前月經幾準都好，有機會因為食藥、大壓力、夜瞓等等問題，而令月經遲嚟。