1. 「Ghosting」

所謂Ghosting，同「o趙完鬆」有啲類似，但「o趙完鬆」通常係「o趙」一次就鬆，Ghosting就係出好幾次街、做好幾次愛，一切都有如一對正常情侶咁發展，但突然之間對方就消失得無影無蹤，而且係電話都打唔通、訊息單剔嗰種消失。呢種基本上係單方面分手嘅做法，會令被分手、以為眼前呢段係真感情嘅一方大受打擊，雖然同樣行為其實一直都存在，但近年情況變多到有一個屬於自己嘅專有名詞。

2. 約會疲勞

你知睇得靚嘢多你會有「審美疲勞」，同樣地當大家對隨意對待感情，離離合合變得頻繁，但你又依然想搵一個伴(或者一晚嘅伴)所以不停咁約會嘅時候，久而久之你就會有「約會疲勞」，約會變成例行公事，慢慢失去對約會嘅興趣。

via GIPHY

3. 想識人，請向左掃

以前大家想識新朋友，會去叫朋友介紹、出席聚會，甚至參加興趣班；依家大家想識個朋友，只須下載一堆Dating APPs、作個好好睇睇嘅Profile，再不停向右掃。上年史丹福大學就有一個研究指，美國大部份情侶都係喺網上，而非於現實生活中認識。問題係Dating APPs令大家覺得自己好有得揀，呢個唔應就掃下一個，就算大家開始對話，騎牛搵馬嘅心態亦相當重。另外由於大家都習慣隔住個Mon調情，到你真係約出黎嘅時候反而會不知所措，真人約會就更加悶。

4. 主動式J圖

平時大家睇嗰啲性感女仔J圖，係個女仔Post出黎，你被動接受；而主動或J圖就係真真正正，男人影自己條J (或者Google人哋條J)再Send畀啲女仔嘅嗰種J圖。你去問下每一個女仔KOL，相信有90%以上都曾經收過主動式J圖，如果個女仔受落咁當然大家都開心，但如果唔係，就係性搔擾啦。

5. 齋炮，冇友

「Friends with benefits (炮友)」大家應該都聽過，即係大家係朋友而非情侶，但同時又維持肉體關係。而「Benefits without friends」就即係人家同你齋炮，但唔當你係友。已讀不回、出街放飛機，連朋友都唔會做嘅事佢做哂，但到佢想搞嘢嘅時候就黎搵你。難聽啲講，即係當你免費_囉！

6. Breadcrumbing

直釋嘅意思係「洒麵包碎」，廣東話意釋可以叫收兵，但我覺得韓文中嘅「漁場管理」更有味道。所謂嘅Breadcrumbing，係指一個人明明唔鍾意你，但佢鍾意你鐘意佢，於是不停畀誤導性的資訊，等你以為自己有機會，有如一個人用麵包碎引啲雀仔咁。