幾年前我哋同大家介紹過日本山口組每年萬聖節於神戶總部門口向小朋友派糖嘅傳統，但神戶政府最新宣佈，由今年起禁止呢個睇落人畜無害，甚至有啲與民同樂感覺嘅「優良傳統」，原因，係因為唔想山口組形象咁好！

圖片：神戶新聞

事情嘅起點，其實係要講到今年3月，日本兵庫縣姬路士發生一宗命案，一名男子被殺害，而當地警方經調查後就拘捕咗多個與「暴力團體 (包括但不限於山口組)」有關嘅少年。事件就令警方認為當地青少年與團體成員關係太好、對團體太有好感，所以先會加入團體犯案，而為咗解決呢個問題，當地政府將於今個月26日推行新法例，禁止暴力團成員向未滿18歲嘅青少年提供任何有價值物品、禁止未滿18歲青少年進出團體辦公室、禁止暴力團成員以試圖控制 (收人入會) 嘅前題下接觸未滿18歲青少年。違者最高被判6個月監禁及50萬Yen罰款。

資料圖片

而明顯地，萬聖節派糖就係違反上述嘅新法例，所以如無意外，神戶山口組派糖嘅慣例將會不復存在啦。