疫情對大家嘅日常生活有幾大影響，唔使我講大家都知；疫情對於大家性生活嘅影響，我哋早前亦引用過研究數據講解過。不過影響呢家嘢就有分正面、負面，根據一個品牌於香港舉行嘅調查，就發現原來疫情對於受訪女性嘅性生活有正面嘅幫助喎，點解呢？

呢個由女性成人用品品牌Smile Makers舉行嘅調查，訪問咗過千名年齡介乎20-79歲嘅女性，發現即使疫情期間與情人見面少咗、單身女性亦較難尋找另一半，但反過來就係女性多咗「自己時間」，而如果呢位女性同時又有用按摩震動棒嘅習慣 (下稱「使用者」) ，就可以用呢啲「自己時間」去探索自己嘅身體以及敏感帶，從而對性生活 (不論係自己或與伴侶) 產生正面影響。所以認為疫情對性生活有正面影響嘅使用者人數，比起非使用者人數要多6.5倍。

另一邊廂，使用者比起非使用者更樂於嘗試新體驗、尋找床上嘅新樂，亦令佢哋嘅性滿意度比起非使用者高出兩倍。

換言之，使用按摩震動棒能夠幫助女性更為了解自己嘅身體，從而令自己與伴侶嘅性生活都有所提升，對男士們黎講都係一件好事。所以男士們都唔應該再擔心自己嘅地位會被取代，反而可能應該鼓勵女伴使用按摩震動棒，令大家嘅性生活更上一層樓。