作為一個非常討厭食蔬果嘅人，我係一直都唔明點解啲人 (以我觀察，特別係女仔) 咁鍾意食牛油果，不過近日外國網絡就流傳「洗乾淨咗嘅JJ味道好似牛油果」，咁睇黎女仔鍾意食牛油果都唔係一件壞事？

據外國網站《BuzzFeed》報導，「乾淨JJ咪道似牛油果」嘅都市傳聞最早於2019年就已經出現於Twitter之上，接住落黎嘅呢幾年都係以「梗圖 (Memes)」嘅形成繼續流傳，最後傳到去「著名」嘅TikTok，於是又掀起新一輪討論，甚至有人因為呢個都市傳聞而唔敢食牛油果。

當然我就冇辦法用親身經驗話你知究竟乾淨JJ同牛油果係咪真係好似，但根據《The Tab》引述「有經驗人士」嘅描述，「乾淨JJ」嘅味道其實係同一隻乾淨嘅手指冇咩分別，正常黎講就唔會有任何「牛油果味」嘅。所以如果你諗住用「想唔想食牛油果」去約女仔返屋企，對方肯跟你返去都應該會失望收場啦。

另一邊廂，牛油果含有豐富嘅維他命E及鋅，係有助提升男士精子質素及性能力，所以男士食多啲反而係有幫助。希望大家食嘅時候唔好諗起呢篇文啦。

資料來源：BuzzFeed、The Tab、Healthline