著名女優深田詠美 (深田えいみ) 今年開始經營個人Youtube頻道，目前已經有超過60萬訂閱。而除咗分享生活日常之外，佢亦經常邀請AV業界中嘅各種「秘聞」。最新一條影片佢就邀請著名男優清水健做嘉賓，仲爆出「業界只有三名『童貞男優』」嘅事實。

卻說深田詠美與清水健一齊回應網民對於AV拍攝嘅疑問，其中就有人問到點解每套「NTR」劇情嘅AV，個「被NTR嘅老公」都係同一個男優黎。清水健就回答，業界中符合「被NTR」感覺嘅男優其實非常少，可能只係得一兩個人，於是每套NTR題材嘅作品都係搵佢哋做。佢仲話類似嘅情形仲有好多，例如「童貞畢業」作品中嘅所謂「處男」，其實來來去去都嗰三個人黎，「佢哋每日都童貞畢業」，旁邊嘅深田詠美亦笑說：「我都唔知幫佢哋『畢業』咗幾多次。」

清水健仲提到即將87歲、世界最高齡男優紀錄保持者德田重男拍攝時嘅趣事。佢話有一次拍攝NTR作品時，德田重男理應瞓喺隔離扮瞓覺，但結果佢真係瞓著咗仲開始打鼻鼾，然後拍拍下德田重男嘅鼻鼾又突然停咗，清水健仲擔心佢係咪死咗。

片中清水健亦分享咗好多拍攝時嘅幕後秘聞，例如「處女」女優第一次面對震動器、以及男優下體時嘅有趣反應——由於佢有手勢解釋，唔使識日文都一定睇得明。有興趣嘅就去深田詠美嘅Youtube到睇下啦。