我曾經聽女性朋友講過，身材好其實係一件好麻煩嘅事，又重啦，又熱啦，著衫又唔好睇啦，結論就係「細細地就好夠架啦」——當然我就覺得佢哋咁講，就好似我去話其他人「生得咁高會被雷劈」一樣啦。但作為一個男人，我哋又真係未必明白女性胸前嗰兩團肉究竟有幾重，而最客觀嘅方法？當然就係磅啦。

卻說由五位知名日本寫真偶像組成嘅團體「Sherbet」嘅官方Youtube日前就發佈咗條片，搵黎成員青山光 (青山ひかる) 、橋本梨菜、河路由希子、清瀬汐希用個電子磅去秤下胸前兩團肉分別嘅重量。其中官方數據為I Cup嘅青山光，兩邊加埋大約重2.6Kg，官方G Cup嘅橋本梨菜兩邊重3.2Kg，同樣係官方G Cup嘅清瀬汐希則只有1.8Kg，而官方C Cup嘅河路由希子，喺自爆加埋Nude Bra嘅情況下，兩邊加埋都係1Kg左右。亦即係C Cup到G Cup嘅差別可以到達2.2Kg，幾乎5磅，又確實係一個唔小嘅差距。

不過對於男性黎講更驚訝嘅，大概就係左右兩邊嘅重量差異。雖然整體「胸重」較輕、目測亦較細嘅清瀬汐希及河路由希子左右邊重量幾乎平均，但身材極好嘅青山光右邊為1.4Kg，左邊只有1.25Kg，相差10%；而橋本梨菜更錄得右邊1.8Kg，左邊1.4-1.5Kg嘅差距，相差近20%。而影片中橋本梨菜及青山光亦均對「右重左輕」有同感，似乎就係身材好女仔嘅共識。

睇到呢到你可能會問，我知道女仔心口有幾重、邊邊重，對你嘅人生有咩幫助？嘩個幫助就大囉——至少你依家知道隻手放邊邊先啦係咪？