{ SKIP }
文:MenClub 魏文青  
POSTED ON 29 Oct 2021

呢排轉天氣,唔少人都有啲傷風感冒幾聲咳、流下鼻水有鼻塞,如果你自問唔算好嚴重,又唔太想去睇醫生,或者都會選擇食成藥黎舒緩症狀,但根據一個小型研究,其實係有一個更舒服、更天然嘅方法黎對抗鼻塞——就係高潮!

首先,傷風感冒造成嘅鼻塞,主要係因為鼻道血管擴張引致,而一般嘅通鼻塞藥,其實就係幫手令鼻道血管收縮,咁就唔塞啦。而有人就發現人類高潮後嘅人體反應之一,就係透過影響交感神經而令血管收縮,簡單黎講就即係高潮同食通鼻塞藥係有同一個效用。

進一步嘅研究就搵黎18對異性戀伴侶 (當中有一半有醫護背景),並要求佢哋利用特製嘅儀器去量度自己性愛前、高潮後即時、高潮後30分鐘、一個鐘及三個鐘後嘅鼻塞情況,研究對象亦會紀錄主觀感受。另外佢哋亦會使用通鼻塞噴霧作為對照。結果就發現無論係客觀數據定主觀感受、亦無論是男是女,高潮的確能夠即時改善鼻塞情況,其效用仲同通鼻塞噴霧近似。

唯一嘅分別就在於效果嘅時長。數據指通鼻塞噴霧就算於使用後三個鐘都依然繼續發揮效力,但高潮嘅效果就只能維持一個鍾左右,之後效果就慢慢消退,個鼻亦會開始塞返。研究就冇講如果呢個時候即刻再高潮一次係咪都仲有用,亦由於研究方法所限,未知自慰得到嘅高潮效果會唔會有所差別。但對於近排有鼻塞又有伴侶嘅大家黎講,或者提供多一個做愛嘅理由?

資料來源:Zarrintan, S. (2008). Ejaculation as a potential treatment of nasal congestion in mature malesBulut, O. C., Oladokun, D., Lippert, B. M., & Hohenberger, R. (2021). Can Sex Improve Nasal Function?—An Exploration of the Link Between Sex and Nasal Function. Ear, Nose & Throat Journal
《長恨歌》大家細個有讀過下話?「楊家有女初長成」知係咩意思呀可?後來呢句嘢主要係被啲好似我咁嘅人用黎形容青春少女終長大成人,背後嘅含義其實相當麻甩。不過,你信我,今次我用呢句嘢黎形容「吉井しえる」,唔 ...
girls
【深夜】人家有女初長成 九死一生的「吉井しえる」
07 May 2025
當講起「兩性平權」之時,唔少人都會認為男性作為目前「父權社會」嘅既得利益者,一定唔肯放棄目前享有嘅經濟、社會優勢,改為推動兩性平等。但近日一個新研究指出,其實喺某啲情況下,男性對於社會中嘅兩性經濟不平 ...
thezone
【兩性】研究指男性主動避開兩性經濟不平等社會 因預期婚後生活質素大幅下滑
07 May 2025