政府早前宣佈髮型屋要到4月20日先重開，換言之大家仲要捱多將近兩個月先有得剪髮，一諗起到時個頭有幾咁長幾咁厚就覺得煩，亦係人生第一次咁想去髮型屋！不過，我之前唔覺得髮型屋重要，可能只係因為我去開嘅唔係泰國嘅呢間「Real Cut 4」，因為你只要去佢Facebook睇下上面啲相，你都想日日去啦下嘛？

件事就咁嘅：位於泰國那空沙旺市嘅髮型屋「Real Cut 4」，喺2月初嘅時候就喺Facebook專頁Post咗一系列宣傳圖，入面就係見到兩個著住低胸Tupe Top嘅性感女仔，幾乎成個人爬上個客到幫佢修眉、用個胸做枕頭黎幫個客洗頭，甚至出現「兩女共摸一個頭」嘅奇觀！作為男人真係冇頭髮都想去體驗下佢哋嘅服務！

呢種簡單直接嘅宣傳手段可謂立竿見影，一Post上網就成為網絡熱話！目前有超過8,000個讚好、過萬個留言！令呢間小小髮型屋成為男士夢中嘅天堂！

我知大家諗咩架，泰國、性感女仔、髮型屋，各位阿叔玩咗好多年啦係咪？但要令各位失望啦！因為唔少泰國男士一睇到個廣告，就打去「Real Cut 4」問係咪真係有性感女仔幫佢剪髮，結果店主要出Post回應，雖然鋪頭真係有女髮型師，但相入面嘅女仔其實係佢啲朋友 (非髮型師) 同佢本人，一切都只係為咗宣傳！雖然係幾令人失望，但喺佢鋪頭剪個頭都只係要120泰銖，即係30蚊港紙左右，你都唔會要求太多啦下嘛？