{ SKIP }
文:MenClub 魏文青  
POSTED ON 13 Feb 2023

約會時究竟邊個畀錢,素來都係兩性之間嘅熱門爭論。而近日著名AV女優深田詠美就突然加入呢個爭論,並表示男人應該要畀哂錢。不過佢提出嘅理據就遭日本網民大力批評,最後仲要刪文,究竟佢講咗啲咩呢?

圖片:深田えいみ @FUKADA0318

據專門報導日本網絡熱話嘅Twitter用戶「滝沢ガレソ (@takigare3)」紀錄,深田詠美於日本時間週日傍晚突然發文,表示約會時男人係理應要畀哂錢。而佢提出嘅理據係「女性為咗約會要準備洋服 (靚衫),化妝、美容,全部都唔平架,一支唇膏都要4000Yen啦!而且仲因為想你讚我好可愛,我要好早起身準備。考慮埋呢啲嘅話,你係應該要畀哂錢架!」

此番言論一出,男女網民都紛紛發表意見。其中有人認為深田詠美講得啱,但亦有唔少人留言「唔好為咗個唔值得嘅女人畀錢」,更有人語帶雙關地話「咁係咪要計埋個女仔整容嘅錢落去?」由於個討論漸漸失控,所以最後深田詠美選擇刪文。

可惜網絡世界「凡走過必留下痕跡」,「滝沢ガレソ (@takigare3)」就將深田詠美嘅發文截圖落黎供網民繼續討論。有人就話「你買支唇膏係一次過搽哂上咀架?」,亦有話畀錢唔係問題,呢種「奉旨」嘅態度先最乞人憎。同時亦有人好理性地話,深田詠美呢個計法係完全忽視男仔都要為約會而準備,例如油錢、日本路費、美容 (如剪髮)費用等,計落嘅錢唔一定畀女仔少。更有人笑言,「醫禿頭都要用300萬Yen啦!」當然亦有人提出另類嘅AA方法:「房錢你畀,安全套我買。」

唔少日本寫真女星都有個屬於自己嘅稱號,以方便Fans去記得佢哋。既然係咁,個稱號自然就應該同個人有返些少關係先得啦係咪?但我今晚要介紹呢位「西野夢菜」,就有一個我睇唔出同佢本人有咩關係嘅稱號睇黎要靠大家一 ...
girls
【深夜】睇唔明個稱號點黎 寫真界灰姑娘「西野夢菜」出寫真集
18 Jul 2025
一個兩個月大嘅BB可以做到啲咩?除咗食、屙、瞓同喊之外,好似都冇可以做到啦下嘛?但今晚要介紹呢位「加藤綾乃」,就由兩個月大開始就已經於日本演藝界出道,到近年更加成為多才多藝嘅寫真女星添! ...
girls
【深夜】2個月大就出道 多才多藝「加藤綾乃」成寫真冠軍
16 Jul 2025