話說近年《週刊Young Magazine》有部叫《平成敗残兵☆すみれちゃん》嘅漫畫，講述於平成年代出世、擁有極好身材、年輕時做過偶像但失敗，到依家三十幾歲只能打散工維生嘅「堇醬」，因為被讀緊中學嘅表弟半情勒半利誘，所以決定由表弟擔任經理人成為同人偶像再次出道。漫畫嘅重點就係「堇醬」如何敗部復活嘅搞笑過程，但我哋「深夜系列」嘅重點當然就唔係劇情，而係希望以此為引子，帶出被稱為現實版「堇醬」嘅寫真女星兼直播主「yunocy」！

現年27歲嘅「yunocy」出生於1998年，雖然就無「堇醬」年紀咁大，但的確係平成年代（平成10年）出世嘅人。而佢亦的確係一位寫真偶像。據報佢於16歲時就因為對攝影有興趣而去應徵做攝影會模特兒，點知報名時填錯Form，所以就變成要拍水著寫真，結果發現水著寫真搵到錢又幾好玩，於是就一直拍落去。2018年時佢以「水沢柚乃」之名於《Young Gangan》首次雜誌出道，同年仲贏埋「Miss ID」冠軍，令佢嘅寫真事業有個好開始。

不過近年佢嘅主要工作，就係以「Yunocy」之名做遊戲直播主。而且同好多電競品牌有合作，仲係首位與Razer簽約嘅日本女性直播主。好在佢都無放棄寫真，間中都有新作面世畀大家欣賞。

就咁睇，「Yunocy」年紀又唔夠大，偶像事業又唔算失敗，亦唔係同人偶像、甚至只有157cm嘅身高，都同漫畫中「堇醬」嘅170高身長有頗有大差距，咁點解去年《週刊Young Magazine》會搵佢用「現實版堇醬」做主題拍寫真呢？我諗比較合理嘅解釋，就係「個氣質似」，再具體啲講，就係「「Yunocy」都有漫畫中呀表弟話嘅「工口身材」啦！

IG：mizuyunosan_