男女本來就大不同，互相唔了解對方嘅行為都非常合理。例如男士會覺得，明明得一個嘴，女人買咁多枝差唔多色嘅唇膏做乜7？又會覺得，有咩事咪直接覺，轉彎抹角要人估做乜7？總之就好多奇怪行為令男士R爆頭都諗唔明做乜7！

不過女士面對男士，又何嘗唔係咁諗呢？好多男士都覺得正路嘅行為，原來喺女人眼中，係勁奇怪嘅事。外國網站buzzfeed就列舉出女士睇唔明嘅男人行為，作為男人嘅你，又un唔un先？

大便時硬係要喺廁所坐好耐。

床單幾個月都唔洗一次。

一邊沖涼一邊擤鼻涕或者小便。

房入面總會有大量散銀，可能會集中喺一個盒裡面，又或者周圍亂放。

當佢唔知道要唔要如實回答問題時，就會講聲︰「下？」去爭取多啲思考時間。

同其他人坐埋同一個地方時，可以完全唔開口同對方交流。

同兄弟擁抱時總會喺對方背後拍兩下。

成日伸隻手入褲袋唔知R乜春。

除衫時硬係要拉衫領去穿過頭頂。

小便時鍾意痾喺馬桶邊邊位，因為咁樣會細聲啲。

樽入面嘅醬料就嚟冇晒倒唔出嚟，會選擇用力敲個樽，而唔係將個樽倒轉等啲醬料流落嚟。

互相貶低老友支持嘅球隊或球員，會覺得咁樣好滿足。