早前同大家報導過安達祐實的新戲「花宵道中」，今個月8號就已經上映，票房好唔好就未知，但安達祐實的露點演出就的確引起一時話題。正當我哋期待緊呢位喺5年前離婚，做緊單親媽媽的33歲前偶像女星下次會露啲咩，佢就突然反高潮地宣佈結婚，而結婚對象就是為其兩本寫真集，包括最新的《秘花》執刀的35歲攝影師桑島智輝。

安達在2005年嫁給大她9年的諧星井戶田潤，二人育有一女。後因男方拈花惹草，女方在2009年決定離婚。在拍攝翻身全裸寫真時與當是有老婆的桑島智輝日久生情，最後桑島在2013年尾與太太離婚，日前宣佈會與安達再婚。

就憑安達近年的形象，加上呢段媲美CCTVB台慶劇嘅奇妙男女關係，你都估到日本網民唔多睇好呢段關係。安達更被冠上「婚姻略奪者」的名號，睇黎啱啱先有啲起色嘅事業又會受挫。

對於各位Gentlemen黎講，最大的影響就是安達嫁人之後就應該唔會再有咁突破性嘅演出，即係日本電影界又少咗個可以為藝術而犧牲嘅好演員，真係可惜！