我哋平時睇開嘅女仔，係男人眼中覺得正嘅金仔；但好多時我哋覺得靚嘅，其他女仔睇就覺得人哋俗、覺得Cheap。實際上人家俗唔俗Cheap唔Cheap就冇謂講，反正要搵個我哋覺得正、女人又覺得正嘅女仔，實在唔容易。而呢個藤木由貴就可能係其中一個啦！

首先藤木由貴今年已經30歲，已經消除好多女人對十八廿二嘅天然反感；第二，身為賽車皇后出身嘅佢雖然只有160cm高，但勝在比例好，而且身材賣點不在胸部而在腰臀腿，女士們感覺自己都做得到反感又再鬧少兩句。男士眼中啦喎，當然鍾意佢嘅可口身材，但更會被佢嘅成熟女性獨有韻味迷倒於石榴裙下！你知唔知呢啲叫咩？呢啲咪叫好新抱囉！奶奶鍾意，老爺又鍾意，入門啦入門啦！