據資料顯示，出生於靜岡市今年33歲嘅葉加瀬マイ爸爸係一名醫生，細細就入讀名牌高中，畢業於日本女子大學歷史系，名符其實有姿色又有知識。喺2012年贏得「Miss FLASH」冠軍後入行至今接近10年，曾經去過韓國發展，又做過寫真女星，可惜佢早幾年宣布離開寫真界，專注喺演藝圈發展。

今日帶大家回顧佢「那些年」所影過嘅嘖血寫真相，以G Cup上圍配上誘惑眼神，散發著成熟性感韻味，試問有邊個唔會心動？當年佢每次出新寫真都會好快賣斷貨，仲拎過幾次ORICON寫真排行榜冠軍，可想而知人氣有幾勁。

加瀬マイ一直活躍於演藝圈，參演過唔少電影及日劇，當中比較出名嘅日劇有《IQ246～華麗事件簿～》。2019年宣布離開寫真界後，同年就同拍咗拖10個月嘅醫生男朋友拉埋天窗，令當時外界唔少聲音指佢係搵到「碼頭」所以引退。成為人妻後，佢都少咗係電視機上出現，睇嚟美好只可以永遠留係回憶入面。

資料來源：Instagram@m.hakase、Twitter@hakami