向來形象清純可愛嘅「田中美久」，日前突然宣布將於9月12號推出首本個人寫真賀20歲牛一，展現大個女嘅成熟一面。除咗有青春嘅校服造型，更大膽挑戰以性感水着及內衣造型示人，真係興奮死一班HKT48粉絲。

今年19歲嘅「田中美久」12歲嗰陣就加入HKT48，憑住年輕可愛形象逐漸人氣攀升，上年更喺AKB48總選擠身至第10位，可以稱得上係HKT48次世代皇牌。本寫真未開賣，只係上架咗日本Amazon同樂天開放預購，就已經登上銷量榜冠軍，可想而知一眾粉絲們有幾期待佢嘅作品。

據了解，今部寫真專程去到「田中美久」家鄉熊本取景，將會有水着、素顏、浸溫泉等多個造型及場景，大曬胸前深不可測事業線，滿足各位男粉絲遐想。

資料來源：twitter@miku_monmon3939、instagram@mikumonmon_48