日本除咗動畫之外，特攝片可以算得上係另一種廣為人知嘅影視類型，而《幪面超人》、《超級戰隊》、《超人》等人氣作品，更被視為新人上位踏腳石，例如馬場富美加、飯豊まりえ、內田理央都係靠出演特攝片走紅。不過，今日就唔係介紹上面三位（因為介紹過），而係憑住《幪面超人EX-AID》走紅嘅「黒崎レイナ」。

今年22歲嘅「黒崎レイナ」，12歲嗰陣已經入行拍劇兼擔任青少年潮流雜誌《Nicola》Model，直到2017年出演《幪面超人EX-AID》而得到廣泛關注，後來轉咗新經理人公司更殺入寫真界，第一本寫真就大膽以半裸示人。

「黒崎レイナ」事後就向媒體表示，其實一開始影嗰陣好尷尬，但為咗充分展示出女性氣質同影到靚相，後來就愈影愈投入，仲話好滿意自己嘅表現，大家又滿唔滿意呢！