繼白間美瑠、横野すみれ（橫野堇）相繼從NMB48畢業後，唔少粉絲都認為上西怜將會獨擔大旗，成為團內寫真擔當，但隨住剛滿18歲嘅「本郷柚巴」水着解禁拍攝首輯寫真，睇嚟上西怜都唔好可以咁老定。

今年18歲嘅「本郷柚巴」自2017年加入NMB48成為2期生，一向走可愛活潑路線，但幾個月前剛滿18歲無耐就為雜誌拍攝性感處女寫真，一嚟就挑戰水着造型大晒火辣青春胴體，隨即引起粉絲熱話，Twitter仲一下子多咗5,000人追蹤，更被日媒稱為「NMB48 新寫真女王」，就連舊將白間美瑠都對佢讚不絕口。

照呢個勢，相信唔使幾耐佢就會推出首本個人寫真，只能夠話NMB48真係人材輩出，後生可畏啊！

資料來源：instagram@h.yuzuha_0112、twitter@yuzuha_hongo