對於動漫迷嚟講，好多時都會課金買下周邊商品，今日介紹嘅coser「しらほしなつみ」亦唔例外，身為《百變小櫻》忠實Fans嘅佢除咗鍾意cos小櫻，仲買到成屋都係周邊，破埋健力士世界紀錄！

「しらほしなつみ」早係廿幾年前已經鍾意《百變小櫻》，多年嚟不停收集各種周邊商品，最終喺2019年成功以1,709件成為《百變小櫻》周邊收藏世界紀錄保持者，而且數目一直持續上升，依家可能去到2000幾件都唔定。除咗《百變小櫻》之外，「しらほしなつみ」平時亦鍾意cosplay其他甜美角色，例如護士、免女郎、女僕、精靈等等，有興趣嘅朋友就追蹤佢社交媒體喇。