一年前我哋就曾經為大家介紹過日本偶像組合#YOYOYO成員之一、可愛面孔配上(官方) G Cup身材、而且曾經出過多隻寫真DVD嘅「由良ゆら」，點解依家又再介紹呢？一來當然係因為佢呢一年又有好多性感新相，另一方面就係佢近來遇上一件非常奇葩嘅事，就係於現場演出前被困於廁所，結果明明人在場中、衫都換埋但就要缺席整場表演。

卻說10月1日，由良ゆら與其他成員原定於涉谷「Spotify O-West」舉行現場表演，當日中午12點40分時，由良ゆら仲喺Twitter上傳自己換好哂衫嘅自拍同Fans打招呼。點知到下午1點14分，即係開Show前15分鐘，佢就突然於Twitter上傳一句「我想打爆度門」，而組合嘅Twitter亦發出緊急公告，話由良ゆら喺開Show前準備去廁所，但點知廁所個門鎖壞咗，將佢反鎖於廁所內。最後其餘成員係由良ゆら「缺席」嘅情況下上台表演。

而由良ゆら就要喺個廁所到等足一個鐘先被救出，只能參與表演後嘅握手會環節。事後佢於Twitter發文向Fans道歉，並指被困喺狹窄嘅廁所內一個鐘其實好得人驚，揚言以後都唔會去廁所。由於件事實在太過神奇兼好笑，所以立即登上日本各大新聞網站，「由良ゆら廁所」甚至登上日本Twitter熱搜榜，搞到由良ゆら都唔知好嬲定好笑。

IG：yurayura_yuuura