「飲住酒打麻雀」呢件事，可以話係同「可愛」一啲關係都冇，甚至見到「酒」同「麻雀」兩個詞，大家個腦就會自浮現一個著住白色背心底衫嘅阿叔。不過今日呢篇深夜系列，就可能會顛覆你嘅刻板印象，因為鍾意酒同麻雀嘅，可以係一個雙馬尾可愛女仔！

雖然今晚要介紹嘅呢位「中川美優」，今年已經27歲，但你睇佢嘅大眼童顏樣，加上經常以雙馬尾示人嘅形象，係完全睇唔出佢已經步入輕熟女嘅階段。出身於北海道嘅中川美優，2015年加入由日本「雙馬尾協會」創立嘅偶像團體「まねきケチャ」，近年就開始有機會上電視，最近更推出佢首本寫真集，展現可愛美態。

你睇相時或者會奇怪，點解會用麻雀黎做主題呢？答案好簡單，就係因為中川美優本人係非常鍾意打麻雀，而且除咗打麻雀之外，佢仲好鍾意玩Pokemon卡、War Game、玩古著同睇動漫，淨係睇呢個興趣列表根本就係一個男人黎。而更「男人」嘅係，中川美優非常鐘意飲酒，而且仲自稱千杯不醉！唔知大家又最想同佢一齊做啲咩呢？

IG：nakagawamiyuu