近年韓風盛行，唔少日本女仔都選擇越洋去到韓國出道，例如HKT48出身嘅宮脇咲良，就先後於2018年及2022年分別以「IZ*ONE」及「LE SSERAFIM」出道，多個新生代女團中亦有日本籍成員。不過今日要介紹嘅呢位「李始燕」，就係少數「逆輸入」到日本出道嘅韓國人，近來佢仲踏足埋寫真界，大家要好好留意佢啦。

現年21歲嘅「李始燕」，早於小學生時期就因為「Kyary Pamyu Pamyu」於韓國網絡走紅而開始對日本偶像感到興趣，後來見到AKB48嘅多田愛佳嘅照片更加正式「入坑」，自此就一直希望可以於日本出道。2022年7月時佢原本會跟其他7期生一樣成為NMB48嘅正式成員，但就因為確診而未能完成最終招募，最後於8月時先以7.5期生正式登場。

喺日本女生紛紛仰望韓國時「逆輸入」黎到日本嘅「李始燕」，當然吸引到唔少日本傳媒嘅興趣，而日前佢亦「入鄉隨俗」地為《週刊Playboy》獻出初水著寫真，展現出水準之上嘅樣貌身材。唔知佢嘅出道，又會唔會吸引到其他韓國女仔赴日發展呢？

Twitter：siyo_min