近年唔少於TikTok上極高人氣、閒閒地都幾廿萬Fans嘅網紅投身寫真界。背後原因一方面係日本女仔對於寫真嘅開放態度，但其實亦因為TikTok嘅廣告分成比想像中要少，所以即使喺TikTok上頗受歡迎，都難以單靠創作內容維生。好似今晚要介紹嘅呢位百萬TikToker「ぽぽちゃん」咁，佢唔單止加入寫真界，更做埋舉牌女郎、賽車女郎，早期更曾經做過啤酒妹添！

於TikTok上有超過110萬Fans嘅「ぽぽちゃん」，目前係日本格鬥比賽「RISE」嘅舉牌女郎，同時亦係日本Super GT Gainer車隊嘅10號車「PONOS GAINER GT-R」嘅賽車女郎，去年尾開始更加入埋寫真界成為寫真偶像。據佢於訪問中透露，自己由高中三年級就於棒球比賽中兼職賣啤酒，入到大學時就開始做模特兒，同時經營自己嘅社交平台。疫情期間佢因為一條於夏威夷旅行時嘅比堅尼「彈下彈下」片而爆紅，甚至有人擅自拎咗去做豐胸廣告，可見佢身材有幾好。

佢表示自己由小學開始身材就已經非常豐滿，而且大得黎仲相當柔軟，所以「彈下彈下」嘅效果比其他人更強烈，連佢自己有時都會彈上癮。近來進軍寫真界後佢更刻意減肥，但就神奇地瘦身不瘦胸，身材就更見「不科學」。另外佢今年更係日本賽車女郎大賞嘅新人賞參賽者之一，如果大家有票嘅話可以去支持下佢啦！

IG：1mariannnnn