唔少男人都以為，一個女仔好唔好睇，係睇佢個樣靚唔靚、身材好唔好、甚至露得多唔多。但其實「好睇」係一個整體概念，除咗上述幾個元素之外，表情亦係其中嘅重要一環。好似今晚要同大家介紹嘅呢位「河野まひる」咁，就曾經一度被批評表情「像死魚」，最後努力練習，先擺得出大家以下見到嘅燦爛笑容！

今年10月先啱啱滿18歲嘅「河野まひる」，係一名今年新出道、目前仲讀緊高中嘅日本寫真新人。由於佢實在太新，所以目前搵唔到太多關於佢嘅個人資料，連佢點入行暫時都仲係一個謎。目前淨係知道佢於2020年開設個人YouTube，主要都係創作穿搭相關影片。今年夏天先於《週刊Young Jump》水著出道，近來再為《週刊Playboy》拍攝新寫真。以新人黎講成績算係相當唔錯啦。

「河野まひる」嘅最大賣點，就係佢嘅嬌小可愛。官方數字顯示佢身高僅為152cm、重41kg，更誇張嘅係腰圍只有55cm (約21.5吋)，比起大家個大髀可能更幼。另外佢嘅燦爛笑容亦係亮點之一，不過據佢接受《週Play》訪問時提到，由於佢自細都冇咩表情，所以早期被攝影師批評佢為「死魚眼」，後來經過練習先可以有個燦爛笑容，身邊嘅人都大讚佢變得像個BB一樣可愛！可見靚女其實都要努力㗎！

IG：mahiru_kouno