除咗部份西方國家會較為開放之外，世界上大部份國家嘅娛樂圈都對「涉毒」事件相當敏感，藝人一旦牽涉入類似事件之中，事業就可能會遭到重挫。好似今晚要介紹嘅呢位「ゆきぽよ」咁，佢曾經係最強「Gal系」模特兒之一，但就因為早年牽涉入一宗吸毒案而令人氣大跌，更開始越露越多！

現年27歲嘅「ゆきぽよ」本名「木村有希」，由於媽媽係菲律賓同西班牙混血兒，所以佢嘅外貌都帶濃厚嘅異國風情。小學三年級因為仰慕屋企附近某個「超Gal系」姐姐，所以成為其弟子並開始Gal系打扮，後來更成為日本Gal系時裝雜誌《egg》嘅專屬模特兒，繼而出演戀愛真人騷等綜藝節目，並開始拍攝寫真。由於佢身材偏有肉，所以又有「微胖寫真偶像」之稱。

不過2021年時，因為佢某位「親密男性朋友」於佢屋企吸毒被捕，而令佢事業急轉直下。雖然「ゆきぽよ」本人只係被「強制搜查」，並於短短兩個月後已經開始出席公開活動，但「涉毒」一事已經足夠重創其演藝事業，曾於2022年曾於節目上表示，事件發生後近一年都完全零收入。同時亦有日本傳媒留意到近年接多咗好多寫真工作，而且露出度越黎越高，甚至用「迷走」黎形容佢目前嘅事業。唔知大家希望佢繼續重點正軌，定繼續性感呢？

IG：poyo_ngy