一個女仔如果擁有豐滿嘅好身材，除非佢刻意隱藏，否則理論上係好難「睇唔出」——畢竟叫得好身材都一定有返咁上下Size，有返咁上下Size就即係容易睇到嘛！但今晚要介紹嘅呢位「そよん（Soyon）」，雖然已經出道多年，但被描述為「就算有H Cup都睇唔出」，原因亦唔係因為佢報大數，而係因為佢身材比例太好，所以即使胸襟廣闊都變得非常合理。

現年29歲嘅「そよん」雖然雙親都係韓國人，國藉亦係韓國，但由於佢自細就於日本長大，所以生活方式以至喜好其實都更偏向日本。亦正因如此，佢大學畢業後就以加入日本演藝界為目標，自2017年曾以多個不同名字加入過不同女團，2019年時亦曾經為「關西Collection」行過Catwalk。2020年時佢改用真名「そよん」為《週刊Young Jump》拍攝出道寫真，從此就於寫真、模特兒界活躍。2022年於東京湯島開設主題Cafe後，亦令佢多咗個「經營者（即係老闆）寫真女星」嘅稱號。

至於點解擁有H Cup身材嘅佢，都會被人話「睇唔出」呢？一來係因為佢係名副其實嘅「瘦底」。身高163cm嘅佢，上圍其實只有32寸，換言之只係胸前兩團肉非常凸出，軀幹部份其實非常纖幼，所以著住衫時唔會有非常誇張嘅視覺效果。另一個原因，就係因為佢手長腳長，而且個頭又細，所以整體比例而言上圍就唔特別起眼。都係唔明我講咩？咁大家睇相啦，睇相應該就明㗎啦。

IG：soyon_1231