大家幾時會覺得自己老呢？除咗Feel到身體越黎越差、頭髮越黎越少之外，我認為最能體現到自己變老嘅瞬間，就係你發現印象中嘅小朋友已經長大成人，仲要生得亭亭玉立。之所以會咁感慨，係因為我近來見到早年曾經介紹過嘅「新谷姫加」出咗新寫真，而且佢仲擺脫過去嘅「鄰家妹妹」形象，成為一個頗有色氣嘅美女！

現年26歲嘅「新谷姫加」，其實早於14歲時就以「中沢 ひめか之」之名出道拍攝水著DVD（日本嘛，係咁架啦），後來又以「HIMEKA」之名加入過偶像團體「Party Rockets GT」，不過要數到佢嘅成名作，就一定係2017年時參加講談社主辦嘅寫真新人選美「Miss ID」並入圍最後十強，隨後佢就以「以「新谷姫加」之名重新活躍於日本寫真界。

被人話走光嘅IG相

值得一提嘅係，即使係參加Miss ID時佢已經19歲，但當時仲留住一頭短髮嘅佢，依然畀人一種鄰家妹妹嘅感覺。但隨住年齡增長，佢唔單止頭髮越黎越長、Baby Fat又慢慢消退、而且寫真露出度亦略有提升，結果就係近年多咗陣成熟女性先有嘅性感魅力，可以話係越黎越正！

近來佢更因為IG上嘅一張鳥低身玩狗嘅相，被Fans提訴佢走光露點，搞到佢要澄清唔單止嗰張相冇走光，將來佢亦唔會拍露點寫真。你睇佢已經性感到睇相都出現錯覺啦！值得大家支持啦下嘛！

IG：hime._.gram