早前有韓國女團成員於節目上坦承因為細個時要做練習生，所以連小學都無畢業，最高學歷僅為幼稚園。事實上，唔少偶像都為咗演藝事業放棄學業，但其實亦有人為咗學業而願意放低工作。好似今晚要介紹嘅呢位「麻倉瑞季」咁，去年就為咗讀第二次大學而停工，期間仲順手減咗12Kg，到近來先以「絕好調」復出。

現年23歲嘅「麻倉瑞季」出生於日本長崎縣。中學時嘅佢夢想係做主播，所以唔單止喺主播學校上過三年堂，初中及高中時亦先後參加NHK主辦嘅全國學生放送比賽，仲贏過九州冠軍。到高中三年級時佢就開始做模特兒，並於一次前往東京工作時被經理人公司發掘，正式進入日本演藝界。隨後佢短暫以女團身份活動過，仲順手參加埋當年嘅「Miss Magazine」比賽，最終拎到「Miss Magazine賞」（第二名），於是順利成章地踏足寫真界。

減肥前嘅「麻倉瑞季」

寫真出道後嘅佢，憑住超肉感豐滿身材火速冒起，成為各大雜誌嘅寫真常客，但2024年初時佢就突然宣佈停工，直到早前先復出。期間佢接受訪問時提到，其實當年「上京」時佢已經係個大學生，但因為忙於工作而停學；到近來復出時佢就透露自己成功考入日本網上大學，今年春天起再一次成為「大學一年生」。

而過去一年佢除咗改善學歷之外，亦順手改善埋體態。佢指自己過去一年努力運動，依家比起停工前減咗12Kg，而且仲係瘦身不瘦胸，明顯見到手臂比起以前更幼，身材更見突出。大家又有冇覺得佢更加養眼呢？

IG：mizuki_asakura_