所有日本寫真女星嘅自我簡介中，都會有一欄叫「特長」，但除非佢本身有咩運動、藝術特長，又或者識啲咩特別技能，如果唔係寫出黎嘅「特長」通常都吸引唔到大家去睇。不過今晚要介紹呢位「小日向ななせ」嘅「特長」就成功引起我嘅注意，事關號稱「豐滿神Body」嘅，聲稱身體上有個部位特別柔軟，但又唔係你依家諗緊嗰幾個位喎。

1996年出生、現年29歲嘅「小日向ななせ」曾經係日本偶像女團「放課後プリンセス」嘅成第九期生，2018年10月成為團體正式成員，到2022年3月正式卒業。但其實喺佢成為女團正式成員之前，佢就已經開始寫真活動，而且反應相當唔錯。所以喺退團同一個月就已經推出寫真DVD，到正式退團後更係順理成章以寫真女星活動。

「小日向ななせ」被日本媒體稱為「豐滿神Body」，好明顯佢嘅身材就係最大賣點。事實上你去睇佢IG上嘅靚相，都會見到佢隨手一夾就有嘅深長事業線，睇落仲非常軟熟。不過佢於自我介紹中，就話自己身體上最柔軟嘅位置，其實係肩胛骨。我搵唔到圖或片去證明佢個肩胛骨有幾柔軟，不過我估大家都唔會介意嘅，畢竟佢正面就已經好好睇啦嘛！

IG：kohinata_nanase