各大廠商搵代言人，通常都係想營造一個「你用咗我嘅產品就會變成佢」嘅氣氛，亦即用明星嘅人氣帶動銷量；但對於安全套黎講，情況就好可能相反——我無見過人因為明星代言而用某個牌子嘅安全套，反而有明星因為做咗安全套代言而更多人識。好似今晚要介紹呢位「鈴木聖」就係其中之一啦。

現年25歲嘅「鈴木聖」，2017年時就曾經以17之齡參加雜誌《Miss Seventeen》舉行嘅選秀比賽，並成功打入決賽。2019年時正式加入寫真界，但僅僅幾個月後就宣佈「上岸」唔再拍寫真，專心拍戲及廣告，直到2021年佢先回歸寫真界，推出寫真DVD兼首本電子寫真，並一直活躍至今。而SAGAMI之所以於去年搵佢做代言，除咗因為佢嘅性感形象之外，仲因為佢深受男性Fans喜愛。

而「鈴木聖」之所以咁受男Fans喜愛，係因為佢出名係個御宅族，而且鍾意嘅都係男生向嘅嘢。例如去年佢接受訪問時就提到，細個身邊啲朋友都睇緊《光之美少女》時，佢就鍾意睇《少年Jump》、玩《遊戲王》卡。長大後自己搵到錢，佢仲收藏咗6000本漫畫，然後又因為有動漫聯乘嘅機台而走去玩柏青哥，甚至連最鍾意食嘅嘢都係抵食夾大份、深受男性喜愛嘅「二郎拉麵」。你諗下一個有G Cup身材、但精通男人喜好嘅女人，幾有親切感、幾得人鍾意呀！

IG：_takara_suzuki_