身高係唔少人擇偶嘅重要條件，所以網上成日有人話男人生得矮過170cm係無人權。但其實女仔生得太高亦唔會太好過。好似今晚要介紹呢位「瑚々」咁，哪怕擁有一對超絕美腿，但就因為身高達173cm而經常被認為係男仔，甚至整個中學暗戀同一個男仔，但人哋眼尾都唔睄下佢。如果個男仔依家知道，會唔會好後悔呢下？

現年21歲嘅「瑚々」，早於11歲時就已經於日本著名經理人公司「ITOH」舉行嘅選秀比賽中獲得首名而出道，小學未畢業就已經拍緊廣告，到初中時就更開始做埋演員。2020年初中畢業後時曾入選集英社舉行嘅「制コレ (制服Collection)」最後15名，2022年高中未畢業就贏埋「Miss Magazine」嘅總冠軍，順理成章踏入寫真界。

雖然往後幾年佢都係主力發展演員事業，寫真作品唔算多。但憑住有啲睇頭嘅上圍加上大長腿，依然都吸引到唔少Fans注意。

你睇佢由小學開始就已經係名人，高中時就已經參加寫真比賽，係咪以為佢一定好受男同學歡迎呢？但據佢早前接受訪問時提到，其實佢咁大個女都未拍過拖。最接近嘅戀愛經驗就係由小學三年班到中學三年級一直暗戀一個男仔，但人哋由頭到尾都無望過佢一眼；到高中時又正值疫情，大家都係網上上堂識唔到朋友，佢亦只會約女仔出街玩。再加上佢平時都係鍾意男仔頭打扮，身高本身又已經嚇退唔少人，所以一直都無人追——或者各位都可以成為第一個？

IG：koko_ohta