寫真女星嘅受歡迎程度，往往係同佢嘅身材有幾「大」成正比，不過有時太大其實就唔係個個都覺得靚，精緻小巧都有佢嘅市場。好似今晚要介紹嘅呢位「由良ゆら」咁，就係出名「精緻可愛」啦！ 

現年23歲嘅「由良ゆら」早於中學二年級就已經簽入經理人公司以「白石 夢来」之名出道，而且當時仲係拍緊貼道德邊線嘅「少女水著寫真」，而且仲一拍就拍咗4年，直到2020年18歲時佢先離開公司，並改以目前嘅「由良ゆら」之名作自由身活動。不過短短數個月後佢就加入日本著名經理人公司「01familiar」，2021年再於公司安排下加入女團「＃よーよーよー」出道，成為早兩日介紹過嘅「天羽希純」同公司師妹。

「01familia」嘅女團素來都積極參與水著寫真拍攝，加上「由良ゆら」本身就有寫真資歷，又係當時團體內最年長嘅成員之一，所以佢順理成章地成為團體嘅「寫真擔當」，不停亮相於各大雜誌之上，甚至仲有繼續推出寫真DVD，亦成功令更多人認識佢及團體。

論身材，「由良ゆら」絕對唔算有睇頭，於日本寫真界中甚至可以話係「細」。但所謂「鹹魚白菜各有所好」，正正就係佢恰到好處嘅身材，再加上惹人憐愛嘅清純美貌，令佢被冠以「精緻可愛」嘅稱號，成功於寫真界站穩陣腳。相信睇慣「重口味」嘢嘅各位睇到佢嘅作品，都會有種涼風吹拂嘅清爽感！

IG：yurayura_yuuura