喺任何一個行業工作十幾年都仍然可以維持一線位置，本身就已經相當唔簡單，如果係喺年輕貌美估有絕對優勢嘅寫真界，就更加係難能可貴。而今年迎來出道15週年嘅寫真女星「岸 明日香」，，雖然年齡已達「三中」，但依然係一線寫真女星，可見佢嘅實力幾咁唔簡單！

1991年出世嘅「岸 明日香」將於4月迎來35歲生日。出生於大阪嘅佢，小學時就已經想加入藝能界，甚至於升學面談時就已經話將來要加入藝能界。後來到20歲時先於大阪做Showgirl，後來吸引到經理人公司招募，2012年於《週刊Playboy》獻出處女寫真，正式作為寫真女星出道。往後佢就憑住H Cup（後來增長到G）身材於日本藝能界闖出名堂，不停推出雜誌寫真、寫真集、寫真DVD唔在講，更出演過好多劇集、電影及廣告。難怪佢近來接受訪問，回顧出道15年生涯時，都話感恩自己嘅事業一直都無停滯。

「岸 明日香」於訪問中亦透露自己非常「大食」，年輕時可以食個親子丼當「前菜」，燒肉的話更可以一個人食三、四人份，所以每次拍寫真前都要努力運動修身，笑言如果唔係做咗寫真女星一定肥到成個波咁。而隨住年紀漸長，佢除咗更在意健康之外，亦在意自己嘅私人時間，希望可以有更多「生活」嘅記憶而非只得「工作」。同時佢亦坦言近年變得鍾意小朋友，所以開始有結婚打算，只係未有對象咁解，希望搵到個會帶佢出去玩嘅另一半咁話！

IG：aspoo02