馬來亞春色大眼水嫩何戀慈

文：MenClub 魏文青　　
POSTED ON 07 Nov 2015

文青近排醉心研究東南亞美女，已經先後開過「越南越愛」、「欺人泰甚」兩個系列。但要數靚女又點可以唔數馬來西亞呢？文青之前都介紹過甜到入心嘅大馬主播Evie，今次就正式開始「馬來亞春色」系列！

如果話越南女仔嘅特色係身材好、泰國女仔嘅特色係可能係「佬」(講笑啫)，咁馬拉女仔嘅特色好有可能就係甜到漏出黎。今次介紹嘅「何戀慈(Michiyo Ho)」於1994年出世，11月生日埋之後就滿22歲。根據佢喺微博上面講，就係馬來西亞「Red People Artist(M)」嘅藝人。目前就住喺吉隆坡，主要接啲模特兒工作。

阿「慈慈」個Facebook有成55萬人追蹤，具體啲講就即係我哋MenClub嘅一倍(嗚)，隨隨便便一張相都有幾千Like，真係令文青好羨慕！之但係所謂事出必有因，人家生得又可愛又盛咁，受歡近其實係好合理嘅－－你睇相就知啦。

話說慈慈啲相都有畀台灣網民放上PTT「表特(Beauty)」版，下面都有唔少人讚佢可愛又有身材，不過都有唔少人話佢個樣好膠好假、美圖秀秀太犀利！文青就搵到佢同「檳城之花」翁依玲(Diorlynn Ong)拍嘅一段微電影，黎解答大家對佢嘅疑問！

不過文青相信大家睇完應該會有一個新嘅疑問：究竟入面嗰兩個女仔係邊個打邊個？因乜解究咁鬼似樣嘅呢Hea？
圖片：Ho Lein Tze on Facebook, Michiyo_ho on instagrqam