之前MenClub Post過年過50嘅型伯大家都好buy，如果轉換性別，你哋又點睇呢？好多人都話女人年紀愈大愈冇吸引力，不過呢位62歲嘅Model Yazemeenah Rossi就要話畀大家聽，唔好用年齡去束縛女性嘅美，不同年紀都有不同美態，62歲都可以非常Charming。

出生於法國嘅Yazemeenah Rossi本來係一位家庭主婦，有兩個小朋友，喺佢30歲時誤打誤撞接觸時裝界，成為一位Model！雖然對Model嚟講，30歲已經係老模，但Yazemeenah Rossi獨有嘅美態並冇被年紀所掩蓋，喺年輕Model中依然亮眼。正當每位女性都害怕衰老時，佢反而樂觀看待年華逝去呢回事，認為「蒼老」係美好嘅過程，因為隨著時間，內心會變得愈來愈強大。一齊欣賞一下Yazemeenah Rossi不一樣嘅美啦！